Kuri uyu wa kane  Umuyobozi w’Akarere Madamu MUKANYIRIGIRA Judith yakiriye Ambasaderi wa Israel mu Rwanda, H.E EINAT WEISS, mu ruzinduko yagiriye muri Trinity Metals  Nyakabingo.

Muri uru ruzinduko, Ambasaderi yagiranye ibiganiro n’ubuyobozi bwa Trinity Metals Nyakabingo byibanze ku mikorere y’ikorwa ry’ubucukuzi bw’amabuye y’agaciro ndetse n’uruhare rwabwo mu iterambere ry’ubukungu n’iterambere ry’abaturage

Ambasaderi EINAT WEISS yanasuye ibikorwa by’ubucukuzi bwa tungsten bikorerwa muri Nyakabingo Mine, aho yamenyeshejwe uburyo ibikorwa by’ubucukuzi bikorwa hubahirizwa amategeko, umutekano ndetse no kurengera ibidukikije.

Ubuyobozi bw’Akarere bwagaragaje ko uru ruzinduko rushimangira ubufatanye n’imikoranire hagati y’inzego zitandukanye mu guteza imbere urwego rw’ubucukuzi bw’amabuye y’agaciro no gukomeza guteza imbere ishoramari rifitiye abaturage n’Igihugu muri rusange akamaro.