Republika y’u Rwanda Intara y’Amajyaruguru Akarere ka Rulindo

RAPORO Y’UBUREZI Y’UMWAKA WA 2015-2016 MU KARERE KA RULINDO.

Rulindo kuwa 05/03/2016 Minisitiri w’Uburezi Hon. Dr.MUSAFIRI MALIMBA Papias,Umuyobozi Mukuru wa Imbuto Foundation Mme URUJENI BAKURAMUTSA, Bwana BOSENIBAMWE Aime Guverineri w’Intara y’Amajyaruguru na Bwana KAYIRANGA Emmanuel mu birori byo guhemba “INKUBITO Z’ICYEZA” abanyeshuri b’abakobwa batsinze neza ibizamini bya Leta mu mwaka wa 2015

 INCAMAKE Y’IMITERERE Y’UBUREZI MURI RUSANGE

Mu mwaka wa 2015-2016, urangiye, Akarere ka Rulindo kari gafite amashuri ku buryo bukurikira:

I.                  Amashuri y’incuke

Amashuri y’incuke ni 107 akabarirwa abanyeshuri 12.524(abakobwa 6.060 abahungu 6.464) abarimu bayigisha ni 234(abagabo:53, abagore:181).

II.               Amashuri abanza

Amashuri abanza ni84 (aya Leta ni49, ay’abafatanya na Leta ni 32,ayigenga ni 3).Abanyeshuri bayigamo ni 66.982(abahungu 33.164 n’abakobwa 33.818). Abarimu bayigishamo bose ni 1.109 (bagore ni 627, abagabo ni 482).

III.           Amashuri yisumbuye

Mu karere ka Rulindo gafite amashuri yisumbuye66. Muri yo ibigo 51 bishamikiye ku mashuri abanza kuko bifite icyiciro cy’uburezi bw’imyaka cumi n’ibiri (9&12YBE). Naho ibigo by’amashuri bicumbikira abanyeshuri ni 15 muri yobitanu ni ibyigenga.

IV.             Amashuri yigisha imyuga n’ubumenyingiro

Mu Karere ka Rulindo hari amashuri 7 (arindwi) yigisha imyuga n’ubumenyi ngiro (Technical Secondary School/TSS) ku rwego rwa A2. Muri ayo mashuririmwe niryo rya Leta, irindi rimwe ni iry’abafatanya na Leta, naho atanu ni ayigenga. Abanyeshuri bayigamo ni 2.475 n’abarimu bayigishamo ni 84.

Mu rwego rw’amashuri yigisha imyuga ku buryo bw’igihe gito (Vocationnal Training Centers/VTC) mu Karere hari ibigo bine. Muri byo bitatu ni ibya Leta kimwe n’icyigenga.

V.                GUSOMA KWANDIKA NO KUBARA

Hashingiwe ku ibarura rusange rya 2012, mu Karere ka Rulindo habaruwe abatazi gusoma no kwandika 51.395. Kugeza 2015 hari hamaze kwigishwa 11.203. Abasigaye kwigishwa ni 40.192.

Mu mwaka wa 2015-2016 abiyandikishije kwiga ni3.061(abagabo 1.284 n’abagore 1.777). Abitabiriye kwiga ni 2.592. Muri abo bose abatsindiye impamyabumenyi ni 2.297.

I.                   AMASHURI Y’INCUKE

I.1.Ku mashuri y’incuke ni 107 afite abanyeshuri 12.524, amashuri ya Leta ni 62; ayigenga afashwa na Leta ni 19; ayigenga ni 26. Abarimu ni 234bose bashyirwaho kandi bagahembwa n’ababyeyi n’aba nyir’amashuri.

I.2. Ibyagezweho muri uyu mwaka wa 2015-2016:
Mu ikemurwa ry’ibibazo bigaragara mu mashuri y’incuke mu mwaka wa 2015-2016 mu Karere ka Rulindo kubufatanye na REB na MINEDUC hubatswe ibyumba 18.
Akarere ka Rulindo kasinye amasezerano y’ubufatanye (MOU) na Kaminuza yo mu Gihugu cy’Ububiligi (Haute Ecole Provinciale de Hainaut Condorcet) ku mahugurwa y’abarimu bo mushuri y’incuke.

Ibikorwa byemeranijwehobikazashyirwa mu bikorwa binyujijwe mu Muryango utegamiye kuri Leta wo mu Karere ka Rulindo witwa” APEMR” (Assocition pour la Promotion de l’Education Maternelle dans le District de Rulindo).

Ni muri urwo rwego, Kuva kuwa 07/03/2016 kugeza kuwa 27/03/2016, Akarere ka Rulindokohereje mu Bubiligi abakozi babiri kwihugura ku kwigisha abarimu bo mu mashuri y’incuke. Abahuguwe ni Bwana BASABOSE Jean Népomuscène ushinzwe by’agateganyo amashuri y’incuke, abanza n’amasomero na M^elle Blandine NYIRANSABIMANA wo mu Murenge wa Base.

Kuva taliki ya 31 Gicurasi kugeza ku italiki ya 3 Kamena 2016, ikipe y’impuguke eshatu z’Ababiligi(Mme Véronique Lambert, Mr Denis Mahin na Mr Gérard Godefreind) zaje mu Karere ka Rulindo mu gikorwa cyo guhugura abarimu bo mu mashuri y’incuke.

Amahugurwa yabereye Nyirangarama, hahuguwe abarimu 20 bigisha mu mashuri y’incuke batoranijwe mu Mirenge ya BUSHOKI, TUMBA, CYUNGO, BASE, RUKOZO na RUSIGA. Mu minsi ine bahuguwe ku kwigisha abana bato binyuze mu ndirimbo, gushushanya no kwikorera imfashanyisho hifashishijwe ibikoresho biboneka ahadukikije nko mu bintu bijugunywa (impapurozakoreshejwe,amacupa ya plastic avamo amazi….).

Umuyobozi w’Akarere wungirije Ushinzwe Imibereho Myiza, ikipe y’Ababiligi, abakozi bo mu Burezi ku Kareren’abahuguwe bafite imfashanyigisho bikoreye.

I.3. Imbogamizi mu mashuri y’incuke:
- Amashuri y’incuke  afite ikibazo cy’ibyumba bidahagije byo kwigiramo;
- Abarimu  bafite ubumenyi buciriritse ku myigishirije y’amashuri y’incuke kuko benshi muri bo ntibabyigiye;
- Imihembere y’abarimu ikigorana kuko bahembwa amafranga aturuka mu misanzu y’ababyeyi, rimwe na rimwe agatinda kuboneka ndetse yabura ishuri rigafunga;
- Ibitabo byo kwigishirizamo n’imfashanyigisho bidahari.

II. AMASHURI ABANZA

Mu mwaka wa 2015-2016 hakozwe imirimo inyuranye yubaka ireme ry’uburezi mu byiciro bitandukanye, mu bugenzuzi, mu gusana inyubako, mu myigishirize no kongerera abarimu bumenyibinyuze mu mahugurwa no mu mikino n’imyidagaduro ku banyeshuri.

II.1. IBYAGEZWEHO MU MWAKAWA 2015-2016 MU MASHURI ABANZA:
II.1.1.Abanyeshuri batangiye n’uko barangije umwaka wa 2015.

Nk’uko biboneka mu mbonerahamwe abanyeshuri bo mu mashuri abanza, bavuye mu ishuri mu mwaka hagati wa 2015.

II.1.2. Ikigeranyo cy’abatangiye umwaka wa 2015 abawurangije biga n’abavuye mu ishuri.

II.1.3. IBIZAMINI BYA LETA BISOZA AMASHURI ABANZA MU MWAKA WA 2015
II.1.3.1.Ubwitabire bw’abanyeshuri mu bizamini bya Leta 2015.

Nk’uko bigaragara mu bizamini bya Leta bisoza umwaka wa 2015 mu mashuri abanza abanyeshuri bari 5.695.

II.1.3.2. Amanota y’abanyeshuri bo mu mashuri abanza mu bizamini ba Leta 2015:

Ku banyeshuri 5.695 bakoze ibizamini bisoza amashuri abanza 2015 abashoboye gutsinda ni 3.523banganana 61,86%.Abanyeshuri bagize inota ryo hasi “Uniclassified (U)” ni 2.172, bangana na 38,13%.

II.1.4. ITANGIRA RY’UMWAKA W’AMASHURI 2016:
Umwaka w’amashuri 2016 watangiye kuwa 22/02/2016. Imibare y’abanyeshuri, Akarere ka Rulindo katangiranye igaragara ku buryo bukurikira:
II.1.4.1. Raporo y’itangira ry’umwaka 2016 mu mashuri abanza.

Nyuma yo gutangira umwaka w’amashuri wa 2016, habayeho igenzura ry’abanyeshuri bize mu mwaka wa 2015 n’abatangiye 2016.

Raporo zagaragaje ko hari abanyeshuri batagarutse mu ishuri mu mwaka wa 2016 kandi barigaga mu mwaka wa 2015.

Akarere kafashe ingamba zo gushakisha aho bari no kubagarura mu ishuri.Mu nama y’uburezi yo kuwa 28/04/2016 hafashwe ingamba zo gukumira impamvu zose zituma abana bava mu ishuri (zirimo kubuza abana kurema isoko, guhana abayeyi basibya abana ishuri, abarimu n’ubuyobozi bw’ishuri kujya buhamagara abanyeshuri buri munsi mu gitondo na nimugoroba).

Ni muri urwo rwego kuva ku wa 18/05/2016 Akarere ka Rulindo kari kamaze kugarura mu ishuri abanyeshuri bose bari bararivuyemo.

II.1.4.2.Dore uko igereranya ry’imibare ribigaragaza:

Mu mwaka w’ amashuri wa 2016 mu mashuri abanza hagaruwe mu ishuri abanyeshuri 2.203 (abakobwa 1.247n’abahungu956). Bigaragara ko hari abana 794 bagarutse mu ishuri barigaga mbere y’umwaka wa 2015.

II.1.4.3. Impamvu zagaragaye zitera abanyeshuri kurivamo:
Mu mashuri abanza, abana bava mu ishuri cyane ni abahungu iyo ugereranije n’abakobwa. Impamvu zikekwa kuba zitera abana kuva mu ishuri ni :
- irari ryo gukorera amafaranga bakiri bato mu Mujyi wa Kigali,
- Gukora ubucuruzi buciriritse bw’ibisheke, amandazi, imineke n’ibindi
- kwikorera imizigo mito no gutwaza abantu bakuru ibyo bahashye mu isoko,
- gufasha ababyeyi kurera abandi bana (barumuna babo) iyo bari gusoroma icyayi, gufasha ababyeyi guhonda amabuye na konkasi.

II.1.4.4. Ingamba zafashwe n’Akarere ku gukumira kuva mu ishuri:
- Kubuza abana bari mu kigero cyo kwiga kurema isoko
- Kwigisha ababyeyi akamaroko kwiga no guhana abakura abana mu ishuri
- Kwibutsa campanies zikorera mu Karere ko gukoresha abana bibujijwe no gufatira ibihano “campanies” zizakoresha abana
- Guhamagara abana ku ishuri mbere yo kwinjira mu masomo mu gitondo n’ikigoroba  no kumenya impamvu z’abadahari
- Gushyira abayobozi b’amashuri abanza bose muri “Call User Group” y’Intara y’Amajyaruguru kugira ngo ikurikirana ry’umwana wataye ishuri ryorohe bahanahana amakuru n’inzego z’Utugali n’Umudugudu ababyeyi b’umwana wabuze ku ishuri atuyemo.

II.1.5. AMAHUGURWA Y’ABARIMU BO MU MASHURI ABANZA
Mu mwaka wa 2015-2016 abarimu bo mu mashuriabanza bahawe amahugurwa atandukanye yo kubongerera ubumenyi.

Mu rwego rwo gushyira mu bikorwa imyanzuro y’inama y’uburezi yo kuwa 28/04/2016, abayobozi b’amashuri n’abarimu bo mu mashuri abanza bahuguwe ku gukora imfashanyigisho bifashishije ibikoresho biboneka ku kigo. Amahugurwa yabaye mu byiciro bibiri.

Ku matariki ya 4,5, na 11/06/2016, ku bufatanye na World Vision, abarimu 49 bo mu mashuri abanza mu Murenge wa Kinihira bahuguwe ku mitegurire y’amasomo.

II.1.5.1.Amahugurwa ku gukora imfashanyigisho:
Kuwa 28/05/2016 umukozi umwe ushinzwe uburezi ku Murenge wa Ntarabana, Umuyobozi w’Ishuri rya GS Kirwa mu Murenge wa Masoro n’Umuyobozi wungirije ku ishuri rya GS Mugambazi bakurikiranye aya mahugurwa muri TTC Gicumbi kubufatanye n’umukorerabushake wa VSO witwa SIMON.

Kuwa 11/06/2016 muri TTC Gicumbi k’ubufatanye na VSO n’umukorerabushake wayo SIMON, abarimu 84 bo mu Karere ka Rulindo, (ni ukuvuga umwe kuri buri shuri ribanza) bakurikiranye amahugurwa ku gukora imfashanyigisho (fabrication du materiel didactique) hakoreshejwe ibikoresho bidahenze kandi biboneka mu bidukikije (imifuka y’umweru, ibumba, uducupa twa palastics tuvamo amazi, kole na markers).

Nyuma y’aya mahugurwa hafashwe umwanzuro ko kuri buri Murenge no kuri buri kigo cy’ishuri ribanza hakorwa amahugurwa nk’aya. Ibokoresho umwarimu yakoze ari mu mahugurwa arabitahana kandi akabimanika mu ishuri yigishamo.

II.1.6.IBIKORESHO BYATANZWE MU KARERE MU MWAKA WA 2015-2016:

II.1.6.1. “Laptop” zahawe abayobozi b’uburezi n’abarimu:
Muri uyu mwaka wa 2016 Minisiteri y’Uburezi  yatanze ku Karere ka Rulindo Laptops 20 zo mu bwoko bwa “POSITIVO BGH” ku muyobozi w’uburezi  mu Karere, ku bakozi  babiri bashizwe uburezi ku Karere no ku bakozi 17  bashinzwe uburezi ku Mirenge. Izi mashini ni izikoreshwa mu kazi k’uburezi ka buri munsi cyane cyane mu ikusanyamibare y’uburezi.

Minisiteri y’Uburezi kandi yatanze “Lap Tops 31” zahawe abarimu bashinzwe guhugura abandi ku bigo (School Based Mentors).

II.1.6.2. “Laptops” zigenewe abanyeshuri(OLPC):
Mu mashuri abanza ya Rulindo, REB yakomeje gahunda yo guha abanyeshuri Laptops muri gahunda ya “One Lap Top per Child”. Kugeza umwaka wa 2015-2016 urangira mu Karere hari hamaze gutangwa “Laptops 8.376” muri gahunda ya “One Lap Top per Child”.
Raporo ya Laptops mu Karere ka Rulindo:

II.1.6.3. “PIANO” zatanzwe mu Karere:
REB (Ikigo cy’Igihugu gishinzwe uburezi) yatanze “Piano 66” mu Karere ka Rulindo zagenewe amashuri abanza.  Amashuri abanza yahawe Piano zirenze imwe ni GS Tare yahawe eshatu na GS Rusiga yagenewe esheshatu.

NB: Reba umugereka w’amashuri yahawe Piano

Umwarimu w’umukorerabushake witwa KIM DAEUN (Abegael) watanzwe na KOICA yageze I Rulindo akazakorera ku Karere kandi akazatanga amahugurwa yigisha abarimu n’abanyeshuri ku gucuranga Piano mu Karere kose.  Abarimu b’isomo ry’umuziki bazajya bahurira nawe kuri GS Rusiga na GS Tare.

II.1.6.4. IBIBAHO byokwandikaho byahawe Akarere:
Muri uyu mwaka a 2015-2016 REB yageneye Akarereka Rulindo IBIBAHO byokwandikaho 600. Dore uko ibibaho byagejejwe mu Karere:

II.1.6.4.1.Ingorane zagaragaye mu itwara ry’ibikoresho kuri REB:
Uburyo bwo kwishyura abapakira ibibaho na Piano kuri REB ntabwo buranozwa. Akarere gasabwa kwishyura upakira kandi bizwi ko nta mukozi waLeta ugendana amafaranga ya Leta mu ntoki.

II.1.6.5 AMACAKI :
Muri uyu mwaka nibwo hatangiye gukoreshwa amacaki yakorewe mu Rwanda. Akarere ka Rulindo kahawe amacaki mu isoko ryatsindiwe n’uruganda “ABChalk”. Aya macaki akorerwa mu Rwanda yatanzwe mu mashuri mu byiciro bibiri.
Mu Karere ka Rulindo, ingengo y’imari yo kugura amacaki mu mwaka wa 2015-2016 yose hamwe yari miliyoni makumyabiri (20.000.000Frs) ku mashuri abanza n’ayisumuye.

II.1.6.5.1.Imbogamizi ku macaki:
Amacaki yatanzwe n’uruganda “ABChalk” ni meza, yandika neza ku bibaho bya sima ariko ntabwo yandika neza ku bibaho byatanzwe na REB kuko bishishuka.Ikindi ni uko ashira vuba kubera ko avunguka cyane.
Uruganda “ABChalk” rwakosora utu dukosa tuvuzwe kuko ari duto cyane naho ubundi iyi gahunda ni indashyikirwa.

II.1.6.6. Ibitabo byagenewe amashuri:
Muri uyu mwaka ibitabo byagenewe amashuri byatanzwe na rwiyemezamirimo watsindiye isoko rya REB.

II.1.6.6.1.Icyakorwa ku itangwa ry’ibitabo mu mashuri :
Ubu buryo bwo kugeza ibitabo ku mashuri ni bwiza. Mu rwego rw’imikoranire no gukurikirana imicungire y’umutungo wa Leta, REB yagombye kujya imenyesha Akarere mu nyandiko ubwoko n’umubare w’ibitabo bizahabwa Akarere na Rwiyemezamirimo uzabigeza ku mashuri.

II.1.7. INTEGANYANYIGISHO NSHYA (Competency Based Curriculum)
Mu mashuri yose abanza amasomo atangwa hakurikijwe integanyanyigisho nshya (Competence Based Curriculum) ikaba yaratangiriye mu mwaka wa mbere n’uwa kane mu mwaka w’amashuri wa 2016.

Kuri iyi nteganyangigisho nshya (Competence Based Curriculum)REB yatanzeamahugurwa ku bakozi batatu bakurikirana uburezi ku Karere, kubakozi 17bashinzwe uburezi ku Murenge no ku bayobozi b’amashuri yose mu gihe cy’iminsi itatu.

REB yahuguye kandi “School Subject Leader/SSL” bahugurira abarimu bagenzi babo kuishuri na DIMAST bahugura abarimu kuri “Competency Based Curriculum” ku rwego rw’Akarere.

REB yahuguye kandi abayobozi b’amashuri bungirije kuri “Competency Based Curriculum” ku rwego rw’Akarere.

REB yagejeje kuri buri kigo udutabo dukubiyemo Programmes ya “Competency Based Curriculum”.

II.1.8.UBUGENZUZI MU MASHURI ABANZA:
Mu mwaka wa 2015-2016 Akarere kasuye amashuri mu rwegorwokureba ireme ry’uburei n’isuku ku mashuri.
Hasuwe EP Buhande, GS Rusiga,GS Kiruri, EP Kabonanyoni, GS Bushoki, GS Ngarama, GS Tare,GS Muyanza,GS Nyirabirori,GS Gitabage,GS Binaga,GS Shyorongi na GS Burehe.
Ku rwego rw’Umurenge,ubugenzuzi bwakozwe mu mashuri yose hakurikijwe Umurenge. Nk’uko byemejwe mu nama y’uburezi yo kuwa 28/4/2016.

II.1.8.1. Icyagaragaye:
- Ko abayobozi b’amashuri badasura abarimu mu  gihe cy’amasomo.
- Abarimu bajya kwigisha batateguye amasomo y’uwo munsi
- Ibidanago bituzuzwa uko bigomba.

II.1.8.2. Ingamba zafashwe:
- Umuyobozi w’ishuri agomba gusura abarimu agatanga raporo ku Murenge
- Ushinzwe uburezi ku Murenge agomba gusura amashurin’abarimu kandi agatanga raporo ku Karere
- Abayobora uburezi ku Karere bagomba gusura amashuri,
- Gukoresha inama y’uburezi y’Umurenge nk’uko iteganywa n’itegeko Gukoresha ‘Test/concours’ ku rwego rwa buri Murenge

II.1.9.GUSHYIRA ABARIMU MU MYANYA
Mu mwaka w’amashuri wa 2015-2016 nta myanya y’abarimu bashya Akarere ka Rulindo kagenewe na REB bityo mu ntangiro z’uyu mwaka w’amashuri 2016nta kizamini cy’akazi cyatanzwe kubarimu A2 bigisha mumashuri abanza.
Muri uyu mwaka w’amashuri 2016, hagati hari abarimu bo mashuri abanza bavuye mu kazi. Ku bufatanye bw’Akarere na RALGA abakandida bashaka akazi ko kwigisha mu mashuri abanza bakoze ibizamini by’akazi kugira ngo haboneke abo kubasimbuza.

II.1.9.1. Ibyiza byo gushaka abarimu binyuze mu ipiganwa:
Gukoresha ibizamini by’akazi abarimu binjira mu kazibituma mu kazi hinjiramo ababishoboye ariko kandi ipiganwa rituma havaho urwikekwe rwa ruswa no kurenganya.

II.1.9.2. Imbogamizi zavuka mu ipiganwa ry’abasaba akazi ko kwigisha:
Kubera ko gukoresha ibizamini by’akazi mu Karere byeguriwe RALGA amanota atinda kuboneka bityo amashuri agashyiraho abarimu basimbura bakorerakuri kontaro bahembwa.
Impungenge z’uko amanota yatinda gusohoka, akazaboneka umwaka w’amashuri urangiye cyangwa se harageze igihe Akarere katemerwa gushyira abarimu mu myanya y’akazi nk’uko MINECOFIN ibiteganya (August, September, October, Novmber, December) ya buri mwaka.Dore ko nta mwarimu winjizwa mu kazi muri ayo mezi.

II.1.10. IMIKINO N’IMYIDAGADURO:
Ku  rwego rwa buri shuri imikino iritabirwa ku buryo bushimishije. Hitabirwa amarushwanwa anyuranye yo ku rwegorw’Akarere n’Umurenge, Siporo kuri bose ya buri kwezi yaritabiriwe.

II.1.11. UBUKANGURAMBAGA MU MASHURI ABANZA
Mu rwego rw’ubukangurambaga mu rubyiruko ruri mu mashuri abanza rukangurirwa  kurwanya ingengabitekerezo ya genoside, kurwanya ihohoterwa rishingiye ku gitsina ,ibiyobyabwenge, kugira gahunda ya Ndi Umunyarwanda iyabo, kwirinda itwita ry’abangavu, gusobanukirwa ibijyanye n’ubuzima bw’imyororokere, kwihangira imirimo igihe barangije amashuri, kwirinda SIDA n’izindi ndwara zandurira mu mibonano mpuzabitsina, gukunda Igihugu babihabwaho impanuro binyujijwe mu ma Clubs nka TUSEME, ANTISIDA, NDI UMUNYARWANDA, ENTREPRENEURSHIP.

RNP/DPU Rulindo ikangurira abanyeshuri ba EP Buhande gukoresha umuhanda no kwirinda ibiyobyabwenge.

Muri urwo rwego kuwa 24/05/2016 mu mashuri yose abanza yo mu Karere ka Rulindo hatanzwe ibiganiro ku buzima bw’imyororokere no kwirinda gutwita kw’abangavu n’inda zitateguwe.

Kuwa 31/05/2016 Abasenateri Hon.KARANGWA Chrysologue na Hon.Mucyo Jean de Dieu basuye amashuri ya GS Kiruri na GS Rusiga baganira ku gukumira no kurwanya ingengabitekerezo ya Jenoside.

II.1.12. KWIBUKA KU NSHURO YA 22 JENOSIDE YAKOREWE ABATUTSI MU 1994:

Mu karere ka Rulindo amashuri yose abanza yahawe ibiganiro byo kwibuka kandi anategura gahunda yo kwibuka ku nshuro ya 22 Jenoside yakorewe Abatutsi mu 1994.

Kuwa 17/06/2016 amashuri EP Gitete, GS Nyabuko EP Yanze na GS Gaseke mu kwibuka ku nshuro ya 22 Jenosside yakorewe Abatutsi ku rwibutso rwa Busizi mu Murenge wa Ngoma, Akarere ka Rulindo.

II.1.13.AMAFARANGA YAGENEWE (CAPITATION GRANT) AMASHURI ABANZA:
Mu mwaka wa 2015-2016 amashuri abanza yo mu Karere ka Rulindo yari agenewe “Capitation Grant” ingana   na 290.098.530 FRW.

Dore uko yasabwe buri gihembwe muri MINECOFIN:

Ibihembwe bine byose byarasabwe (Q1, Q2, Q3, Q4) byarakozwe. Kugeza kuwa 30/06/2016 amafaranga y’igihembwe cya kane(Q4) niyo yonyine yari ataragera kuri konti z’amashuri.

II.1.14. IMIHEMBERE Y’IMISHAHARA Y’ABARIMU2015-2016:
Mu mwaka wa 2015-2016 abarimu bose bahembwa na Leta barahembwe buri kwezi.Umwaka urangiye nta kirarane kibayeho. Batangiwe ubwiteganyirize muri RSSB banatangirwa TPR muri RRA.
II.1.14.1.Dore ingano y’umushahara watanzwe buri kwezi 2015-2016:

II.1.14.2.IBIRARANE BY’IMISHAHARA Y’ABARIMU.
Muri uyu mwaka wa 2015/2016 Akarere ka Rulindo k’ubufatanye na MINECOFIN abarimu bishyuwe ibirarane binyuranye mu byiciro bitatu.  Amafaranga yatanzwe ni 176.898.108Frw.
Dore uko ibirarane bimaze gutangwa mu byiciro:

II.1.14.3. Izamurwa ry’abarimu mu ngazi ntambike n’itangwa rya Bonus 2015.

II.1.14.3.1. Kuzamurwa mu Ntera y’ingazi ntambike (Step Horizontal promotion).
Muri uyu mwaka wa 2015-2016 nibwo abarimu bo mu mashuri abanza n’ayisumbuye babariwe amafaranga agenerwa umukozi buri mwaka ku kuzamurwa mu ngazi ntambike (step Horizontal promotion).

Amafaranga yashyizwe kuri konti z’abarimu bomu Karere ka Rulindo angana na 106.860.625Frw.Umwaka wa 2015-2016 urangiye abo yagenewe barayabonye kandi barabyishimiye.

II.1.14.3.2. Bonus 2015 ku barimu bo mu mashuri abanza n’ayisimbuye:
Muri uyumwaka ni bwobwa mbere abarimu babariwe Bonus igenerwa umukozi wakoze neza umwaka wose. BONUS yabazwe ikanatangwa ku barimu bosebo mu mashuri abanza n’ayisumbuye ni iy’umwaka w’amashuri 2015. Amafaranga angana na 45.662.621Frw niyo yagejejwe kuri konti z’abarimu bo mu Karere ka Rulindo.

II.1.14.4.Ikiraranecy’umushahara w’abarimu ba Rulindo kitishyuwe:
Uyu mwaka w 2015-2016, urangiye ikibazo cy’abarimu  20 cyo mu mwaka wa 2009, ubwo RRA yabakataga amafaranga menshi kuri TPR bagahembwa make kidakemutse.
Ayo mafranga abarimu 20 bagomba kishyurwa mu gihe RRA yabyemera angana na 1.821.993FRW.

III.KWIGA GUSOMA, KWANDIKA NO KUBARA.

Muri 2015mu Karere ka Rulindo habaruwe abantu batazi gusoma, kwandika no kubara 6.330. Hashingiwe ku bushobozi bw’aho bigira n’ibihembo by’abakorerabushake bigisha mu mwaka wa 2015-2016 abemeye kwiga ni2.592.Ababonye impamyabumenyi ni 2. 297. Aba bose bigira mu masomero 179.bakigishwa n’abakorerabushake 192.

III.1. Dore uko imibare yerekana abize 2015-2016:

Kuwa 18/06/2016 Bwana KAYIRANGA Emmanuel, Umuyobozi w’Akarere ka Rulindo atanga impamyabumenyi ku bize gusoma, kwandika no kubara mu Murenge wa Rusiga

III.2. Agahimbazamusyi k’abigisha mu masomero:
Muri uyu mwaka wa 2015-2016 agahimbazamusyi kagenewe abigisha amasomero 4.920.000Frw. Abigisha amasomero bagenerwa agahimbazamusyi na Leta. Ni abakorerabushake akenshi bashamikiye mu miryango itari iya Leta n’amatorero nka ADEPR na Kiliziya Gatolika.

III.3. Imbogamizi ku kwiga gusoma kwandika no kubara

-          Kuba hari abantu benshi batazi gusoma kwandika no kubara bakuze cyane kuburyo badashobora kujya kubyihugurira;

-          Kuba abatazi gusoma, kwandika no kubara bakiri bato bakagira ipfunwe ryo kwitabira amasomero;

-          Kutagira ibyumba byihariye byo kwigishirizamo gusoma, kwandika no kubara;

-          Igihembo cy’abigisha kiboneka gitinze dore ka ari amafranga make ava ku ngengo y’imari ya Leta.

III.3. Ingamba zafashwe n’Akarere:
Kunyuza iyi gahnda muri JADF(Joint Action Development Forum)y’Akarere n’Umurenge  kugira ngo iki gikorwa kihutishwe buri mufatanya bikorwa w’Akarere wese abigizemo uruhare rutaziguye.

IV.AMASHURIYISUMBUYE.
Muri uyu mwaka wa 2015-2016 mu mashuri yisumbuye yo mu Karere ka Rulindo ibyakozwe ni byinshi hagamijwe guteza imbere ireme ry’uburezi n’ubmenyingiro.

IV.I. AMASHURI YISUMBUYE (UBUMENYI RUSANGE)

IV.I.1. Amashuri yisumbuye yigisha icyicirorusange(O’Level):

IV.I.1.1.Imibare y’abanyeshuri mu mwaka w’amashuri 2015.
Mu mwaka w’amashuri wa 2015 Akarere ka Rulindo kawurangije gafite abanyeshuri bo mu mashuri yisumbuye ku buryo bukurikira.

IV.I.1.1.2. Uko abanyeshuri bimutse, basibiye mu mashuri yisumbuye y’icyiro rusange(O’Level) mu mwaka wa 2015

IV.I.1.1.3.Ikigeraranyo cy’abataye ishuri mu mwaka wa 2015
Umwaka w’amashuri wa 2015 muri O’Level hatangiye abanyeshuri 10.715(abahungu 4.636 n’abakobwa 6.079) harangiza abanyeshuri 10.360 (abahungu 4.472 n’abakobwa 5.888).

Abanyeshuri ba O’Level bataye ishuri dusoza umwaka w’amashuri wa 2015 ni 354 (abahungu164 n’abakobwa 190).

Isesengura mibare (statistics analysis) ry’umwaka w’amashuri warangiye wa 2015:

IV.I.1.1.4.Abanyeshuri batangiye ishuri mu mwaka wa 2016 mu cyiciro rusange:
Umwaka w’amashuri 2016 mu cyiciro rusange imibare y’abanyeshuri iteye itya:

IV.I.1.1.5.Kugarura abanyeshuri ba O’Level mu ishuri.
Abanyeshuri bavuye mu ishuri mu mwaka wa 2015 barigaruwemo muri 2016.
Dore uko imibare yabagaruwe mu ishuri:

Ni ukuvuga ko mu mwaka w’ amashuri wa 2016, mu mashuri yisumbuye y’icyiciro rusange (O’ Level) hagaruwe mu ishuri abanyeshuri 382 (abakobwa 178 n’abahungu 204).  Hari kandi abahungu 35 n’abakobwa 10 bataragarurwa mu ishuri.

IV.I.2. IBIZAMINI BYA LETA BISOZA ICYICIRO USANGE 2015

Mu bizamini bya Leta bisoza umwaka wa 2015 mu cyiciro rusange (O’Level)hagombaga gukora abakandida 2.904. Abakoze ibizamini bya Leta bari 2.867. Abataraje gukora ikizamini ni37.

IV.I.2.1. Dore ubwitabire mu bizamini bya Leta 2015: O’Level

IV.I.2.2. Amanota y’abanyeshuri b’icyiciro rusange (O’Level) mu bizamini bya Leta bisoza umwaka wa 2015.
Abakandida bakoze ikizamini cya Leta mu mu mpera z’umwaka wa 2015 mu mashuri yisumbuye icyiciro rusange. Hari hakoze abakandida 2.867 muribo 1.222 ni ukuvuga 42.62% nibo bashoboye kubona amabaruwa (kwemererwa kwiga mu mashuri acumbikira abanyeshuri).

IV.I.2.3. IMYITEGURO Y’IBIZAMINI BYA LETA BISOZA ICYICIRO RUSANGE2016
Uyu mwaka wa 2015-2016 urangiye imyiteguro y’ibizamini bya Leta bisoza icyiciro rusange cya 2016 irimbanije.Urutonde rw’abakandida n’amafishi byagejejwe kuri REB.Aho bazakorera ibizamini (Examinations Centers) naho hamenyeshejwe REB.
IV.I.2.3.1. Imibare y’abakandida bose mu karere bazakora O’LEVEL 2016.

IV.I.2.4.INGENGO Y’IMARI (CAPITATION GRANT 2015) YAGEJEJWE KU MASHURI
Capitation Grant y’umwaka wa 2015-2016 yari igenewe Akarere ka Rulindo mu mashuri yisumbuye yari 33.804.750Frw muri “O’Level” na 49.013.916 muri 9&12YBE.

IV.I.2.4.1. Amafranga yasabwe MINECOFIN buri gihembwe.

IV.II. Amashuri yisumbuye A’level na TSS A2 yigisha imyuga n’ubumenyingiro (TSS)

IV.II.1. Raporo isoza umwaka w’amashuri yisumbuye wa 2015 muri A’Level:

Muri A’level umwaka w’amashuri wa 2015 hatangiye abanyeshuri 6.471(abahungu 2.966 n’abakobwa 3.505).Umwaka wa 2015 urangira mu ishuri hasigayemo abanyeshuri 6.367(abahungu 2.925n’abakobwa 3.442).Ni ukuvuga ko abataye ishuri mu mpera za 2015 bari 104 (abahungu 41 n’abakobwa 63).

IV.II.1.2. Igereranya mibare ku kuva mu ishuri mu mwaka wa 2015 mu mashuri yisumbuye mu cyiciro cya A’Level (upper secondary).

Nk’uko bigaragazwa n’imbonerahamwe, umwaka wa 2015 warangiye abanyeshuri 104 barataye ishuri bangana na 1.6%

IV.II.2. Raporo y’abanyeshuri batangiye umwaka wa 2016

IV.II.3. Kugarurwa mu ishuri ku banyeshuri  ba A’Level barivuyemo mu mwaka wa 2015
IV.II.3.1.Imibare y’abanyeshuri  ba A’Level bagaruwe mu ishuri muri 2016:

Nyuma y’ingamba zafashwe n’Akarere ka Rulindo, abavuye mu ishuri mu mwaka wa 2015, barashakishijwe barigarurwamo. Mu mashuri yisumbuye icyiciro cya kabiri (A’Level) hagaruwe mu ishuri abanyeshuri 42 (abakobwa 25 n’abahungu17);Ariko hari abanyeshuri 14 hagishakishwa amakuru yaho bahereye ngo bagarurwe mu ishuri.

IV.II.4. Ibizamini bya Leta bisoza A’Level bya 2015
Ibizamini bya Leta bisoza umwaka wa 2015 byakozwe neza mu mashuri yisumbuye n’ay’imyuga n’ubumenyingiro.Mu mashuri y’ingisho rusange (generalteaching) hagombaga gukora abakandida 1.278. Abakoze ibizamini bya Leta bari 1.268. Abatarabonetse mu bizamini ni 6.

IV.II.4.1. Ubwitabire mu bizamini bya Leta 2015 (A’Level):

IV.II.4.2 Imitsindire mu bizamini bya Leta A’Level 2015

Mu mwaka wa 2015, muri “A’Level” abakandida bakoze ikizamini cya Leta mu mashuri yisumbuye icyiciro cya kabiri cy’amashuri yisumbuye bari 1.268. Abatsinze neza ni 1.189 ari nabo babonye impamyabushobozi ku rwego rwa A2 ni ukuvuga 93.7 %.

Umunyeshuri witwa GIRAMATA Candide wabaye uwa mbere mu Gihugu mu ishami rya MPC (Maths Phisics Chemistry) yabaye uwo muri Rulindo mu ishuri ES Stella Matutina.Akaba yarahembwe na “Imbuto Foundation” mu rwego rw’Inkubito z’Icyeza 2015.Yahembwe na kuwa 05/03/2016 I Shyorongi.

IV.II.5. Ibizamini bya Leta 2015, A’Level mu mashuri y’ubumenyingiro n’imyuga (TSS).

IV.II.5.1.Amashuri yigisha ubumenyigiro (TSS) mu bizamini bya Leta bisoza umwaka wa 2015.
Mu mashuri ya “TSS” hagombaga gukora abakandida 719. Abakoze ibizamini bya Leta bari 706. Abataraje gukora ibizamini ni 13.

IV.II.5.2. Ubwitabire mu izamini bya Leta 2015(TSS A’Level).

IV.II.5.3. Imitsindire mu bizaminibya Leta bisoza umwaka wa 2015 muri TSS A’Level

Amanota y’abanyeshuri bize ubumenyigiro n’imyuga (A LEVEL TSS):
Abakandida bakoze ikizamini cya Leta mu mu mpera z’umwaka wa 2015 mu mashuri yisumbuye icyiciro cya kabiri cy’amashuri yisumbuye y’imyuga n’ubumenyingiro ni abakandida 706.

Mu mwaka wa 2015, mu bizamini bisoza umwaka abakandida bo muri TSS A’Level batsinze neza 598 ari nabo babonye impamyabumenyi zo ku rwego rwa A2 bingana na 84%.

IV.II.5.4 ABANYESHURI BATANGIYE ISHURI MU MWAKA WA 2016 MURI TSS:

IV.II.5.5. Imyiteguro y’ibizamini bya Leta 2016 bya A’level ubumenyi rusange.
Imyiteguro y’ibizamini bya Leta bisoza umwakaw’amashuri wa 2016 mu mashuri yigisha ubumenyi rusange yararangiye.Urutonde rw’abakandida, amafishi yabo n’aho bazakorera ikizamini byashyikirijwe REB.

IV.II.5.5.1. Imibare y’abakandida mu kizamini cya Leta A’Level 2016.

IV.II.5.6. Imyiteguro y’ibizamini bya Leta 2016 bya A’level mu mashuri yigisha imyuga n’ubumenyingiro(TSS).
Imyiteguro y’ibizamini bya Leta bisoza umwakaw’amashuri wa 2016 mu mashuri yigisha imyuga n’ubumenyingiro yararangiye.Urutonde rw’abakandida, amafishi yabo n’aho bazakorera ikizamini bizashyikirizwa WDA.

IV.II.5.6.1. Imibare y’abakandida mu kizamini cya Leta TSS A’Level 2016.

IV.II.6. GUTUNGA AMASHURI NO KUGABURIRA ABANYESHURI MURI2015-20116

IV.II.6.1. Amafranga yo kugaburira abanyeshuri mu mashuri acumbika:
Amafranga yo kugaburira abanyeshuri mu mashuri acumbikira abanyeshuri yangana na 177.563.892Frw. Umwaka wa 2015-2016 urangiyeyose yarasabwe MINECOFIN.
Amafranga yasabwe muri MINECOFIN mu mwaka wa 2015-2016:

IV.II.6.2. KUGABURIRA ABANYESHURI BIGA MU MASHURI Y’UBUREZI BW’IBANZE BW’IMYAKA 12(SCHOOL FEEDING MURI 9&12YBE)

Muri gahunda yo kugaburira abana biga muri 9&12YBE ku ishuri mu Karere ka Rulindo birakorwa neza.

Umwaka wa 2015 warangiye ikigereranyo cy’Akarereari 88%. Muri uyu mwaka w’amashuri wa 2016 ikigereranyo cy’ukwezi kwa Gicurasi 2016 kigaragaza ko Akarere kagaburira abanyeshuri kuri 82%.

Abana baturuka mu miryango itishoboye bari mu cyiciro cya mbere cy’ubudehe bwa 2016 bafashwa. Leta ibatangira amafaranga 100 ku munsi kuri buri mwana. Uyu mwaka amafranga yasabwe MINECOFIN yageze kuri konti z’amashuri tariki 30/06/2016.

IV.II.6.2.1.Ingorane ziboneka muri iyi gahunda:
- Imyumvire y’ababyeyi bamwe batumva neza akamaro ko gufasha umwana gufatira ifunguro ku ishuri hanwe n’abandi
- Abanyeshuri bamwe b’abahungu bigira bamenya bakanga gushishikariza ababyeyi babo gutanga inkunga ahubwo bakababwira ko bazajya biyiriza ntibarye ko ntacyo bibatwaye.

IV.II.6.2.2.Ingamba zafashwe n’Akarere:
- Kudasaba ababyeyi amafaranga gusa kuko n’uwashobora kuzana ibiribwa ishuri ribyakira, uwashobora gutanga umubyizi ku kigo ishuri rikamwakira
- Komite z’ababyeyi zisabwa gukurikirana imicungire n’imikoreshereze y’inkunga itangwa n’ababyeyi kugira ngo icungwe neza.
- Akarere gasabwa kwegerenya imibare y’abanyeshuri biga muri 9&12YBE bafite imiryango yabo yabaruwe mu cyiciro cya mbere cy’ubudehe 2016 kugira ngo basabirwe ku gihe inkunga Leta yemeye.

IV.III. AMASHURI YIGISHA IMYUGA N’UBUMENYINGIRO MU GIHE GITO(VTC)

IV.III.1.Amashuri ya y’imyuga y’igihe gito(VTC)
Mu karere hari VTC (Vocational Training centers) enye muri zo eshatu ni iza Leta ari zo VTC Kinihira (Mu Murenge wa Kinihira), VTC Bushoki (Mu Murenge wa Tumba) na VTC Shyorongi (mu Murenge wa Shyorongi). VTC zifitwe n’abikorera ni imwe ariyo VTC Burehe ya Kiliziya Gatolika (mu Murenge wa Cyungo).

IV.III.1.2. Abarangije amasomo y’igihe gito mu myuga n’ubumenyingiro 2015-2016 muri VTC na TSS.
Muri uyu mwaka wa 2015-2016 hari abanyeshuri barangije inyigisho z’igihe gito muri VTC no muri TSS. Dore uko imibare iteye:

IV.III.1.3. Imibare yabiga muri VTC mu mwaka wa 2016.
Muri aya mashuri ya VTC abarimo kwiga ni aba bakurikira:

IV.IV. INTEGANYANYIGISHO NSHYA MU MASHURI YISUMBUYE (Competence Based Curriculum)

Mu mashuri yose yisumbuye amasomo atangwa hakurikijwe integanyanyigisho nshya (Competence Based Curriculum) ikaba yaratangiriye mu mwaka wa mbere n’uwa kane mu mwaka w’amashuri wa 2016. Programme zijyanye n’izi nteganyanyigisho zagejejwe na REB mu mashuri yose. Amahugurwa yaratanzwe ku barimu no kubayobozi b’amashuri n’ababungirije.

IV.IV.1.IMBOGAMIZI INTEGANYANYIGISHO NSHYA  :
Ibitabo bijyanye n’integanyangisho ntibiragera ku barimu no ku banyeshuri

IV.V.1.ISHYIRWA MU MUMYANYA RY’ABARIMU N’IPIGANWARYA 2016
Muri uyu mwaka 2015-2016 nibwo hatangiye ishyirwa mumyanya ry’abarimu binyuze mu ipiganwa. REB yari yageneye Akarere ka Rulindo imyanya mishya 10 ya A0 n’imyanya 13 ya A1. Gupiganira iyi myanyabyakozwe mu byiciro bibiri.Ikizamini cyanditse cyabaye kuwa 30-31/12/2015 n’aho ikizamini ku buryo bw’ikiganiro kiba kuwa 05&06/01/2016.

Hakozwe ibizamini by’akazi ku myanya yo kwigisha amasomo akurikira: Biology &Chemistry; Economy&entrepreneurship; Languages; History &Geography; Math &Physics, Civil engeneering, Building&Construction; Computer Sciences&ICT.

Abarimu batsinze bashyizwe mu myanya hakurikijwe ibyo bize n’amasomo bazigisha.

Abarimu bo ku rwego rwa A0 na A1 bagiye bava mu kazi ku mpamvu zinyuranye bagiye basimbuzwa hifashishijwe uru rutonde rw’abatsinze ipiganwa kandi hakubahirizwa uko bakurikiranye kandi umwarimu agasimbura uvuye mu kazi bahuje ibyo yigishaga.

IV.V.1.2. Icyifuzo ku ipiganwa ry’abarimu:

Ni uko REByajya igaragaza vuba imibare y’abarimu bazahabwa buri Karere mu mwaka ukurikiyeho (2016-2017) kugira ngo amapiganwa akorwe vuba.

Ikindi ni uko RALGA ikoresha ibizamini by’akazi mu Turere yashyiraho gahunda yihariye yo gukoresha ibizamini bigenewe abarimu mu Turere twose bitewe n’imiterere y’umwuga wokwigisha.

IV.V. IMIKINO N’IMYIDAGADURO MU MASHURI YISUMBUYE
Mu mwaka wa 2015-2016 imikino yakozwe mu mashuri yisumbye yose muri rusange. Siporo rusange nayo yitabiriwe n’abanyeshuri. Akarere kabinyujije mu Ishyirahamwe rya Siporo mu mashuri (Associationde Sport Scolaire de Rulindo: ASS RULINDO) hakozwe siporo y’imikino yihariye n’imikino ngororamubiri. Iri shyirahamwe niryo rishinzwe gutegura ibikorwa bigamije guteza imbere imikino n’imyidagaduro mu mashuri.

Mu marushanwa asanzwe ya buri mwaka mu mashuri yisumbyeamakipi yitwaye neza akagera ku rwego rw’Intara ni aya akurikira:

IV.V.1.A. Amakipe y’abakobwa 2016:

IV.V.1.B. Amakipe y’abahungu 2016:

Muri uyu mwaka wa 2016 mu mukino wa Football ikipe y’abakobwa   GS SHAGASHA (9YBE) yo mu Murenge wa Buyoga yitabiriye amarushanwa “COPA COCA COLA 2016”. Nyuma yo gutsinda ari iya mbere ku rwego rw’Akarere ka Rulindo, yatsinze ikipe y’Akarere ka Gakenke, itsinda ikipe y’Akarere ka Musanze iba ibaye iya mbere mu Ntara y’Amajyaruguru.

Mu matsinda GS Shagasha yahigitse ikipe y’Akarere ka Bugesera n’iya aka Nyarugenge. Muri aya marushanwa ku rwego rw’Igihugu yatsindiye umwanya wa Gatatu ihembwa imipira yo gukina ya football icumi, imyambaro yo gukinana, buri mukinnyi yambikwa umudari kandi ikipe yose ihabwa igihembo cy’amafaranga 200.000Frw (ibihumbi magana abiri).

Iyi kipe yegukanye uyu mwanya mu mikino ya nyuma yabereye mu Karere ka Rubavu kuva kuwa 27/05/2016 Kugera kuwa 29/05/2016 nyuma yo gutsinda ikipe yaserukiye Akarere ka Ruhango.

GS Shagasha bamaze kwegukana umwanya wa Gatatu muri Copa Coca Cola 2016 no guhembwa I Rubavu:

IV.V.2. AMATORERO ABYINA:

Muri buri kigo cy’ishuri ryisumbuye hari Itorero ribyina imbyino gakondo na kizungu. Ku rwego rw’Akarere ka Rulindo buri mwaka hategurwa amarushanwa y’umuco, kuririmba, kubyina, imivugo, gushushanya (art et culture)

Itorero rya ES Stella Matutina

IV.V.3. Imbogamizi muri siporo ku mashuri:
Haracyari imbogamizi nkeya nk’ibibuga biri mu gishanga ahandi bikaba kumanga kubera imiterere y’Akarere.

Amashuri menshi adafite ubutaka bukwiye bwo gukoraho ibibuga by’imikino inyuranye. Ubumenyi buke ku barimu bigisha siporo mu mashuri kandi abatoza babigize umwuga bahenda kandi ntibaboneke mu Turere tw’icyaro.

IV.VI. UBUKANGURAMBAGA MU MASHURIYISUMBUYE N’ABASHYITSI BASUYE AMASHURI
Mu mwaka wa 2015-2016, mu mashuri yisumbuye yo mu Karere ka Rulindo ubukangurambaga kuri gahunda za Leta bwakozwe mu byiciro bitandukanye kandi binyujijwe muri clubs ziba kuri buri kigo.

Muri clubs twavuga nka “Ninyampinga Club,Red Cross,Public Speaking Club,Anti-SIDA Club,Anti-Drug Club,Environment Club,Unity and Reconciliation Club, Club y’umuco” etc.
Hari kandi gahunda zihariye zayobowe n’Umuyobozi w’Akarere ka Rulindo Bwana KAYIRANGA Emmanuel n’Umuyobozi w’Akarere wungirije ushinzwe Imibereho Myiza y’Abaturage Mme GASANGANWA Marie Claire.

Ni muri urwo rwego kuwa 24/05/2016 hatanzwe mu mashuri yose yisumbuye yo mu Karere ka Rulindo ibiganiro k’ubuzima bw’imyororokerere, kwirinda gutwita na gutwara inda zitateguwe. Muri ibi biganiro ikipe y’impuguke za “UR/College of Health and Medecine” batanze ibiganiro mu mashuri ya ES Rutongo na Buyoga TSS.

Kuwa 05/03/2016 Minisitiri w’Uburezi Dr. MUSAFILI MALIMBA Papias ari kumwe na Guverineri w’Intara y’Amajyaruguru Bwana BOSENIBAMWE Aime baherekejwe n’Umuyobozi Mukuru wa ImbutoFoundation M_me URUJENI BAKURAMUTSA bahembye INKUBITO Z’ICYEZA 2015.Umuhango wabereye I Shyorongi mu Karere ka Rulindo.Imbere y’abanyacyubahiro benshi, abanyeshuri, abarezi n’ababyeyi.

Dr. MUSAFILI MALIMBA Papias mu birori byo guhemba inkubito z’icyeza I Rulindo, Shyorongi kuwa 05/03/2016

Kuwa 01/06/2016 Abasenateri Hon.KARANGWA Chrysologue na Hon.MUCYO Jean de Dieu basuye amashuri yisumbuye ES Nyamugali na Inyange Girls school of Sciences muri gahunda yo gukangirira n’abanyeshuri, abarimu n’abayobozi b’ishuri ku kurwanya no gukumira ingenga bitekerezo ya Jenoside.

Hon. Senator MUCYO Jean de Dieu ku ishuri Inyange GSS

Abadepite bo mu itsinda rya CPRRPD uwa 11&12/06/2016 basuye amahuri yisumbuye ya ES Rukozo na GS APAPEC Murambi mu rwego rwokuganiriza abanyeshuri ku buzima bw’imiyororokere.Iri tsinda ryari rigizwe na Hon.Pelagie MUKANTAGANWA na Hon.Suzane MUKAYIJORE

Kuwa 17/06/2016 Komisiyo ya SENA iyobowe na Hon.NIYONGANA Gallican ari kumwe na Hon.MUSABEYEZU Narcisse na Hon. Penine basuye Akarere ka Rulindo baganira na Komite Nyobozi y’Akarere na Komite y’Ishyirahamwe rya Siporo mu mashuri “ASS Rulindo.

Kuwa 23/03/2016 Hon. Pelagie MUKANTAGANZWA yari yarasuye ES Kiyanza aganiriza abarimu abayobozi n’abanyeshuri ku buzima bw’imyororokere.

Ambassador w’Ubushinwa mu RWANDA kuwa 23/06/2016 yasuye ishuri Inyange GSS ariha inkuga ya mudasobwa n’ibitabo.

Ambassador w’Ubushinwa mu Rwanda atanga ibikoresho ku Inyange GSS kuwa 23/05/2016

Kuwa 28/06/2016 Abashyitsi bavuye muri Minisiteri y’burezi y’Igihugu cya Malawi basuye Akarere ka Rulindo amashuri ya EP Buramira na GS Kinihira mu rwego rwo kureba aha gahunda y’uburezi bw’ibanze igeze no kureba uko abana bagarurwa mu ishuri n’ngamba u Rwanda rwafashe ngo batongera kurivamo.

Itsinda ry’Intumwa z’abakozi bavuye mu Gihugu cya Malawi baje gusura u RWANDA, kuri GS Kinihira kuwa 28/06/2016.

IV.VII. KWIBUKA KU NSHURO YA 22 JENOSIDE YAKOREWE ABATUTSI MU MASHURIYISMBUYE.

Gahunda yo kwibuka ku nshuro ya 22 jenoside yakorewe Abatutsi yaritabiriwe mu mashuri abanza n’ayisumbuye yose yo mu Karere ka Rulindo.

Abayobozi n’abanyeshuri ba LNDV Rulindo ku rwibutso rwa Bushoki

Mu marushanwa yateguwe na AEGIS Trust na CNLG mu rwego rwo kurwanya no gukumira ingengabitekerezo ya Jenoside kunsanganyamatsiko yagira iti” Ubunyarwanda Ipfundo ry’Ubumwe n’Iterambere ryacu”. Amarushawa yabaye mu mashuri yisumbuye mu Mirenge yose. Ku rwego rw’Intara abanyeshuri ba Rulindo bakurikira nibo batsinze.

IMIVUGO:

INKURU ISHUSHANIJE:

 Ku rwego rw’Igihugu umunyeshuri witwa” MUSENGIMANA Evelyne” wiga mu mwaka wa mbere kuri GS Gisha (9ybe) mu Murenge wa Mbogo mu Karere ka Rulindo niwe wegukanye umwanya wa mbere ku rwego rw’Igihugu.Yahembwe na AEGIS Trust Rwanda “Laptop” n’amafranga ibihumbi ijana na mirongo itanu(150.000Frw).

V.IBIKORWAREMEZO MU MASHURI

V.1.INYUBAKO Z’AMASHURI
Mu mwaka 2015-2016, hubatswe ibyumba by’ amashuri 30, amashuri y’ incuke 12, ibyumba by’ isomero 9 n’ ubwiherero72 byo muri iyi Phase VII. Izi nyubako zose zo muri Phase ya VII zuzuye gihe kandi ubu zirakoreshwa.

V.1.1.Ingengo y’imari yari iteganijwe:

V.1.2.UMUBARE W’AMASHURI YUBATSWE NA “SITES”MURI 2015/2016

Izi  nyubako zatanzweho  amafranga ku buryo bukurikira:

Ibyumba 4 byubatswe kuri GS Rukingu bisimbura ibyashaje,Umurenge wa Rusiga

V.1.3.ibikoresho byaguzwe, ibyakoreshejwe n’ibyasagutse kuri Phase VII:

Iyi Phase ya VII, yaje ikurikira izindi Phase esheshatu (6 Phases). Muri rusange Akarere ka Rulindo kakaba kamaze kubaka ibyumba by’ amashuri 716; ibyumba by’ incuke 12 , ibyumba by’amasomero 9 n’ amacumbi y’ abarimu cumi n’arindwi 18.

Ibirarane byo muri phase ya IV na V bitarishyurwa bingana na 62,538,283 FRW. REB yemera ko zishyurwa mu ngengo y’imari ya 2016-2017.

(Reba urutonde rw’abishyuza mu mugereka).

V.1.4.IBYUMBA BY’AMSHURI BISHAJE:

Muri uyu mwaka wa 2015-2016 mu Karere hagaragara ibyumba 497 bishaje.Muri byo ibyumba 272 birashaje cyane ku buryo bikwiye gusimbuzwa. Ibyumba 225 byo bishobora gusanwa.Ibyumba 74 birashaje cyane kandi kubisimbuza bisaba ubushobozi.

V.1.5. INYUBAKO Z’IBIKORWAREMEZO BY’ISUKU N’ISUKURA KU MASHURI MU MWAKA WA 2015-2016
Ku bufatanye na Water for People n’Akarere ka Rulindo hatangiye kubakwa ubwiherero n’ibigega by’amazi ku bigo by’amashuri. “SITES”byubatsweho:

N.B: Amafaranga azatangwa kuri izi nyubako hashingiwe kuri kontaro ni: 188,597,716Frw.
Muri iki gikorwa “Water for People” izatanga 80% n’amashuri atange 20% by’ ikiguzi cy’ imirimo.

V.1.6. IBINDI BYAKOZWE KU BIKORWAREMEZO BY’AMASHURI:
Kuri ishuri rya BUYOGA TSS inzu yahoze ari iya “KOPERATIVE INTUMBERO” Akarere karayiguze (expropriation) kugira ngo iri shuri riyikoreshe nk’inzu abanyeshuri bafatiramo amafunguro. Iyinzu yaguze13.846.250 FRW(miliyoni cumi n’eshatu n’ibihumbi magana inane mirongo ine na bitandatu n’amafaranga magana abiri mirongo itanu).

Kuri ES Kiyanza hishyuwe abaturage bangiririjwe ikawa n’ibikorwa byo kwagura ishuri,ikiguzi cyazo cyari 4.089.800 Frw.

Kuishuri rya EP Murwa, Akarere kishyuye ikibanza ku giciro cya 1.502.450 Frw kugira ngo ishuri ribone aho ryagurira inyubako nshya.

V.1.7. IMIRIMO Y’IBIKORWAREMEZO YAKURIKIRANWE
Kuwa 06/05/2016, hasuwe ahateganijwe kubakwa ishuri rya KABONANYONI TSS na KISARO TSS. Kuri Kisaro ikibanza kinini kandi cyiza kirahari gihingwamo n’abaturage.

Kuri KABONANYONI hagaragaye umunara wa TIGO wubatswe mu kibanza cyateganijwemo ibikorwa by’ishuri.

RUTONGO MINING SCHOOL:

AA

A

A

Muri uyu mwaka a 2015-2016, Akarere ka Rulindo kakurikiranye ibikorwa bijyanye n’iyubakwa ry’ishuri rya “Rutongo Mining school” mu nyubako zahoze ari iza “Rutongo Hospital”. Iri shuri ryemerewe Abanyarulindo na Nyakubakwa Perezida wa Repubulika y’u Rwanda H.E Paul KAGAME kuwa 28/02/2014 ubwo yari i Masoro mu Karere ka Rulindo. Ishuri rizubakwa kubufatanye bw’Akarere na “Workforce Development Authority” (WDA).

Ministeri y’Ubuzima yamaze kwegurira Akarere ka Rulindoikibanza n’inyubako byahoze ari ibya Rutongo Hospital.

Inyigo zo gusana no kubaka iri shuri zakozwe na “WDA” zararangiye.Isoko ryo kubaka no gusana naryo ryatanzwe na “WDA” kandi amaserano yo kubaka yarasinywe.Isoko ryatsindiwe na “RDF: Reserve Force”.

Ni muri urwo rwego, kuwa 23/06/2016 itsinda rigizwe n’abayobozi ku mpande zose zirebwa n’iyubakwa ry’iki kigo ryasuye ahazubakwa iri shuri. Iryo tsinda ryari riteye ritya:
Umuyobozi w’Akarere wungirije Ushinzwe Imibereho Myiza:
Mme GASANGANWA M. Claire
Principal of IPRC North akaba na Perezida w’Inama Njyanama y’Akarere ka Rulindo
Bwana Eng. GATABAZI Pascal
Umuyobozi Mukuru wa WDA: Bwana GASANA Jerome
RDF/Reserve Force yari ihagarariwe naLt Col. NDAKEBUKA Jean

V.1.8. IBYEMEJWE BIZAKORWA MU MWAKA WA 2015-2016:
Hashingiwe ku ngengo y’imari y’umwaka wa 2016-2017, kuwa 27/06/2016 Komite y’Akarere ishinzwe iyubakwa ry’amashuri (steering Committee) yemeje ahazubakwa ibyumba by’amashuri n’ubwiherero ku buryo budasanzwe mu mwaka wa2016-2017.

Uko biteganijwe:

VI.UBUGENZUZI MU MASHURI
Mu mwaka wa 2015-2016, Urwego rw’Akarererwasuye amashuri yisumbuye.Amashuri yasuwe ni ES Kiyanza, ES Rutongo, Inyange GSS, Buyoga TSS, APEKI TSS, IBB TSS, College Urumuri Polytechnic, ES Rukozo, ES Stella Matutina, LNDV Rulindo, ES Nyamugali.  Hafunguwe amashuri mashya ya 9YBE ariyo GS Bushoki, GS Nyabuko, na GS Sayo. Amashuri ya  GS Muyanza na GS Buyoga yashyizwe ku cyiciro cya 12YBE ahabwa amashami mashya.

VII.IBIBAZO BITABONEWE IBISUBIZO MURI 2015-2016
Mu mwaka wa 2015-2016, hagaragaye ikibazo kitaboneweigisubizo cy’abaturage bagemuye ibiribwa n’abahaye servisi ishuri ryahoze ryitwa ES Tumba ubu ritagikora. Amafranga bishyuza Akarere angana na 4.679.700Frwagabanije kuri ubu buryo.

Ibyumba by’amashuri bishaje cyane bitashoboye kubonerwa ingengo y’imari ihagije.

Kuri ES Rutongo hagaragaye abaturage bavuga ko bambuwe na rwiyemezamirimo Gashumba Raphael wari uhagarariye “SOCOYHFO “yubatse icumbi ry’abakobwa. Barishyuza 567.600Frw.

Amashuri KABONANYONI TSS na Kisaro TSS bitabonewe ingengo y’imari ikwiye kugira ngo yubakwe kandi atahwe mbere y’uko umwaka wa 2017 urangira.

Ishuri College Urumuri Polytechnic rigifite imikorere idahwitse nko kugira amadeni menshi yabarwiyemezamirimo no kutagira ibikoresho bikwiye byo kwigishirizaho kandiari ishuri rya tekiniki. Kubaibyasabwe na WDA kuzuza ngo rikomeze gukora umwaka wa 2015-2016 urangiye ritarabigeraho.

VIII.Umusozo:
Umwaka  wa 2015-2016 warangiye akazi gakorwa neza.Akarere ka Rulindo gakwiye gukorerwa ubuvugizi ibyumba bishajecyane bikabonerwa ingengoy’imari ihagije kandi amashuri bemerere n’inzego Nkuru z’Igihugu akabonerwa ingengo y’imari akubakwa.Mu rwego rwo kunoza imikorere no kubahiriza ireme ry’uburezi, WDA yasabwa gufatanya n’Akarere guha inama ishuri rya College Urumuri Politechnique.

Bikorewei Rulindo kuwa 05/07/2016

IBANGARYAYO EmmanuelPst BASABOSE Jean Nepomuscene
Ushinzwe Amashuri yisumbuye   Ushinzwe amashuri y’Incuke,
na TVETAbanza n’Amasomero

Eng.JMV KABASHA
Ushinzwe inyubako z’Amashuri

BITUNGURAMYE Diogene
Umuyobozi w’Uburezi
mu Karere ka Rulindo